<div style="background:#fff;border:#bbb dashed 1px;padding:5px"><a href="http://eu.citatepedia.ro/comments.php?id=153" style="color:#000;text-decoration:none"><div style="margin:10px 0"><strong>Bela</strong></div><div style="margin:10px 0">Bein gaberdi goibel baten, aiturik nengon urjasten<br>Izti bakan zarraetatik jakin-gai aztu asko<br>Lo-min neukan, bat-batean ostxo bat entzun zanean,<br>Norbaitek jo bai'lukean, atean legunki jo,<br>"Jotzen" apetik esan nun, "ikustzaile bat dago—<br>Au soilki, deus ez geio".</div><div style="margin:10px 0">Oi! gogoratzen naiz ontsa, Lotazilla zan, beltz-otza;<br>Iltzer txindarrek iurrean ireldu bana jaso.<br>Goiza opa nun naikorrik —billatu bai'nun alperrik<br>Idaztietan pozorrik— Lenor galdu ezkero<br>—Neska bakar dizdikorra Lenor Gotzonentzako—<br>Giz-izenik ez geio.</div><div style="margin:10px 0">Itzalkin gorbeltz bakoitzak zegin firfir argal, itsak<br>Nindadukan iñoizko latz —ikararen meneko;<br>Nola, biotz-pilpirari nare-gai, bai'nintzan ari<br>"Ikustzaile bat da ori ate-joka sartzeko—<br>Ikustzaile berandu bat ate-joka sartzeko;—<br>Ori, ba, deus ez geio".</div><div style="margin:10px 0">Gogoa biztu zitzaitan; ezbaiak utzirik bertan,<br>"Jaun", esan nun, "edo Andre, azkespen-eske nago;<br>Erdi-lo nintzan, jakizu, et'ain aulki deitu dezu,<br>Et-ain legunki jo dezu, nire gela-atean jo,<br>Ez bai'nintzan ziur entzunik" —zabaldu nun zearo;—<br>Illuna, deus ez geio.</div><div style="margin:10px 0">Illunbe barna beiratuz, egoan nengon, arrituz,<br>Kexkan, amesten iñork ez amestuak gaurdaño;<br>Ixilgoa zan iraunkor, gauko gentza ez ikurkor,<br>Itz bakar au esanik or izan zan: "Lenor!", geldo;<br>Nik nun suzmurtu t'anotsak: "Lenor!" birresan gero.<br>Au baizik deus ez geio.</div><div style="margin:10px 0">Gelan atzera sartzean, dana sukar biotzean,<br>Birjotzen entzun nun aurki len baño gogorxkago.<br>"Baitin", esan nun, "baitin da, zerbait leiarrean ba-da;<br>Ikus, beraz, zer degun da ezkutu au ikert oro—<br>Biotza bekit ekuru t'ezkutu ikert oro;—<br>Aizea da, deus geio!"</div><div style="margin:10px 0">Leioak zabal iriki nitun, orduan, aundizki,<br>Antxiñako Bela deun bat sartu zan, egak arro.<br>Ez, nindum agurtu ere; gelditu ez zan batere;<br>Bai, jaun-antz, —edo andere—, ate gañerat igo—<br>An zan Pallas'en irudi baten gañerat igo—<br>Igo, t'egon, deus geio.</div><div style="margin:10px 0">Txori beltzak eraginik, naiz its nintzan, irkaitzez nik,<br>—Ain ben, eratsu ta garratz antz-ematen zulako—:<br>"Gandorra motz euki-arren, ez aiz makala, zearren,<br>Gau-bazterretik atorren Bela beltz, zar, latz oso—<br>Pluton'en gau-bazter artan zer dek jaun-izeneko?"<br>Belak: "Iñoiz ez geio."</div><div style="margin:10px 0">Txori zatarrak ain ongi itz-eginda geldu nun agitz,<br>Izana gatik jarduna ikur, zentzun gutxiko;<br>Ezin bai'degu ezeztu, ilkorrik dan iñork ez du<br>Ate-gañean begiztu egaztirik gaurdaño<br>Irudi baten gañean piztiren bat gaur daño,<br>Deitzen "Iñoiz ez geio."</div><div style="margin:10px 0">Berriz, Bela zegon zurtzik, t'ez zun esan ori baizik,<br>Irur itzotan gogoa lasaitu naian edo.<br>Oboro ez zun erasi —ezta egatzik iarrosi—<br>Nik zuzmurt'arte "Igesi joan zaizkit lagun asko—<br>Biar utziko nau, nola itxaroek lenago."<br>Belak: "Iñoiz ez geio."</div><div style="margin:10px 0">Ain egoki erantzunaz arritu bai'nintzan benaz,<br>"Ziur", esan nun, "irur itzok ditu iztegi oro,<br>Irakaslea jabe bat. Elkaitzak jorik aldebat<br>Aren doñuek lelo bat soilki eukitzeraño—<br>Itxaroen eresiek lelo eukitzeraño <br>Iñoiz-iñoiz ez geio."</div><div style="margin:10px 0">Berriz. Belak eraginik, ekarri nun, irkaitz 'inik,<br>Alki bat ate, irudi, txorien aurreraño;<br>Illazkietan sartuta, jarri nintzan gogoeta<br>Erabilkatzen, bai eta zer zuken antxiñako<br>Egazti latz, zatar, zin-gil, beltz orrek esan naiko<br>Kuatuz "Iñoiz ez geio".</div><div style="margin:10px 0">Orren billa nintzan ari, mintzatu gabe Belari,<br>Suzko begiz ene biotz-barna orain zana so;<br>Ori ta beste gogoan, garondoa erosoan<br>Burko-zorro amuskoan, t'argontzia gar-jario,<br>Burko-zorro amusko ori ez bai'du estutuko<br>Ark, ai, iñoiz ez geio!</div><div style="margin:10px 0">Aidea egin zan gaitsu, nola ixuriz intsentsu<br>Serapin batek, ibilki ez-ikuskor, geldiro.<br>"Gaixo au", nion, "Jaunak, maitez, bere gotzoner bitartez<br>Bialtzen dik epe, nepentez ire Lenor azteko;<br>Nepentez ona, oi, edak, Lenor galdua azteko!"<br>Belak: "Iñoiz ez geio."</div><div style="margin:10px 0">"Azti!" esan nun, "gaiztakin! azti bai, txori naiz gaizkin!<br>Satan'ek bialdurik, ala ekaitzak lur-eraio,<br>Naiz itun ez-izupera, lur soil sorgindu ontara—<br>Latzaren etxe ontara —ez al didak esango<br>Ba-dan azt'urik Galaad'en— otoi, zinez esango?"<br>Belak: "Iñoiz ez geio."</div><div style="margin:10px 0">"Azti!" esan nun, "gaiztakin! azti bai, txori naiz gaizkin!<br>Biok degun Jauna-gatik, Ortze goian bai-dago—<br>Esak mindun oni bertan, donokiko baratzetan,<br>Neska guren bat besotan ote dun tinkatuko—<br>Neska bakar dizdikor bat Lenor gotzonentzako."<br>Belak: "Iñoiz ez geio."</div><div style="margin:10px 0">"Ele au bedi azkena, "nik izuz, —"txori-txerrena!<br>Ekaitzerat itzul adi plutondar erkiraño!<br>Egatx beltzik ez utz emen ire gezurren oroimen!<br>Nerau laga nazak emen! — utzak ate-gañeko<br>Irudia! Biotzetik ken zadak ire moko!"<br>Belak: "Iñoiz ez geio."</div><div style="margin:10px 0">Baita Bela mugitzeke, beti dauke, beti dauke<br>Pallas-irudi laruan nire ate-gañeko;<br>Amesle, begik ditula debru batenak bezela,<br>Goitik argiak itzala lurrerat egozten dio;<br>Itzal ikara ortatik gogoak aldegingo<br>Ez dit — Iñoiz ez geio!</div><div style="margin:10px 0"><br /></a><br />poem by <a href="http://eu.citatepedia.ro/by.php?a=Edgar+Allan+Poe">Edgar Allan Poe</a>, translated by Jon Mirande<div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://eu.citatepedia.ro/comments.php?id=153" data-title="Bela de Edgar Allan Poe" data-description="Bein gaberdi goibel baten, aiturik nengon urjasten/Izti bakan zarraetatik jakin-gai aztu asko/Lo-min neukan, bat-batean ostxo bat entzun zanean,/Norbaitek jo bai'lukean, atean legunki jo,/"Jotzen" apetik esan nun, "ikustzaile bat dago—/Au soilki..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black